Carl-Josef Kutzbach
 
Wenne vierasechzge be Schwäbische Fassung des Beatlessongs „When I‘am sixty-four“ Wenne amol alt werd, onds Haar isch furt, sisch no paar Jährle na. Schicksch mr na no Kärtle zu Oschtere, zum G‘burtsdag odr an guada Woi? War i em Besa, bis halber drei, schlächsch me na halber he? Wirsch me no meege, wirsch me au pflege, wenne vierasechzge be? Hm, hm.... Du wirsch au älder sei. Ond wenn Du etzt des Wörtle seischt, na bleib i bei Dir fei. I mach me nitzlich, druck Sichrong nei, wenn bei Dirs Licht aus goht. Stricksch mr a Weschtle, grad nebam Ofa, machsch am Sondichmorga an Gang durch da Ort. Grublescht em Garta, reischs Okraut aus, was will mr denn no me? Wirsch me no meege, wirsch me au pflege, wenne vierasechzge be? Jeda Sommer mieta mr a Hüttle uf dr rauhe Alb, wenns Geld dafir langt. Emmer knausret mir. Enkele hocked uf doine knui Gustav, Liesl ond dr Lui. Schick mr a Kärtle, schreib mr a Zeil, wie Du driabr denksch. Gradraus schreib was de sage willsch, I griaß Di verzwatzelt oinewegs. Etz gib mr a Antwort, onderschreib etz des Papier, na bisch en dr Eh‘. Wirsch me no meege, wirsch me au pflege, wenne vierasechzge be? Nodiert am: 5.8.2007