Carl-Josef Kutzbach
 
 
Kehrwoch
oder:
Zu spät
 
I han se d‘ Kehrwoch‘  macha gsä.
Da hanne denkt, die isch fei schee.
So g‘nau, wie die die Kehrwoch macht,
gibt se uf jedes Stäuble acht;
nimmt Stoi ond Laub,
an jeda Dreck ond au de Staub
mim Kehrblech grindlich uff.
Kehrt Stiege nonder ond net nuff.
Fir d‘ Gass nimmt se an andra Besa,
so wie dui schafft, des kasch dra lesa,
woiß se wie mr dui Kehrwoch macht
on no viel meh. Da hanne glacht.
 
I han se d‘ Kehrwoch‘ macha gsä,
na ischs um mi als Schwob geschäh.
Des saubre Mädle täte mega,
die tät me sicher au recht pflega.
I siehs vom Fenschter fascht a Stond,
ond moine Glotzer werdet rond;
sogar de Kandel macht se rein!
Ach kennt se moine Hausfrau sein!
Wie I sie d‘Kehrwoch‘ macha sä,
denk i, des wär se gwä,
wär sie et om die zwanzig Jahr,
ond i hätt uffm Grend no Haar.
 
Nodiert: 2.5.2009